Давлат мукофотлари ўз эгаларига топширилди
Ўзбекистон Республикаси Миллий гвардияси томонидан Давлатимиз мустақиллигининг ўттиз йиллик байрами арафасида “Янги Ўзбекистонда эркин ва фаровон яшайлик” шиори остида тантанали маросим ўтказилди.
Маросимда Миллий гвардия қўмондонлиги, Тошкент шаҳрида жойлашган ҳарбий қисмлар командирлари, муассасалар бошлиқлари ва шахсий таркиби иштирок этди.
Тадбир аввалида Миллий гвардия қўмондони барчани қутлуғ байрам билан муборакбод этиб, уларга эзгу ниятлар билдирди.
Шунингдек, Қуролли Кучларнинг жанговар тайёргарлигини оширишдаги алоҳида хизматлари, қонун устуворлиги ва тинчликни таъминлаш йўлидаги фидойилиги ва жасорати учун тизимнинг 800 нафардан ортиқ ҳарбий хизматчи ва ходимлари юксак давлат мукофотлари билан тақдирланганлигини таъкидлади.
Шундан сўнг, Давлатимиз раҳбари Фармони билан берилган “Мардлик” ва “Дўстлик” орденлари, “Жасорат”, “Содиқ хизматлари учун” ва “Шуҳрат” медаллари ҳамда “Ўзбекистон Республикаси мустақиллигининг 30 йиллиги эсдалик нишонлари эгаларига тантанали равишда топширилди
Шу билан бирга, хизматда юқори натижаларга эришган бир қатор ҳарбий хизматчи ва ходимларга полковник ҳарбий унвонлари, намунали хизматлари ҳамда маънавият аълочиси кўкрак нишонлари ҳам топширилди.
