Давлатимиз раҳбари томонидан белгилаб берилган мактабдаги таълим-тарбия йўналишидаги устувор вазифаларнинг амалий ижросини таъминлаш мақсадида, Миллий гвардия қўмондони Сирдарё вилоятидаги манзилли ишларини давом эттирмоқда
Аввал хабар берганимиздек, мазкур йўналишдаги мавжуд муамммолар ва уларнинг ечими юзасидан, Мактабгача ва мактаб таълими вазирлиги ва Миллий гвардия ҳамкорлигида белгилаб олинган истиқболли режалар асосидаги амалга оширилаётган ишлар ҳамда уларнинг натижаси манзилли ўрганилмоқда.
Хусусан, жорий йилнинг 22 февраль куни Миллий гвардия қўмондони Гулистон шаҳрида жойлашган 14, 10, 6 ва 2-сонли ҳамда Гулистон туманидаги 28 ва 9-сонли мактаблардаги таълим-тарбия ва давомат билан боғлиқ муаммолар ҳамда уларнинг ечимлари юзасидан мактаб маъмурияти, ўқитувчи ва мутахассис психологлар, маҳалла еттилиги ҳамда соҳага оид масъул ходимлар билан учрашди.
Учрашув давомида мактабдаги инспектор-психологларнинг янги тизимдаги иш фаолияти, ота-оналар ва маҳалла фаолларининг “Мактаб – ота-она – маҳалла” тамойили асосида, фарзандларининг таълим-тарбиясига бўлган масъулиятини оширишга қаратилган ҳамкорлик масалалари мухокама қилинди. Шунингдек, мактабларнинг қўриқловини янгича тизимда такомиллаштиришга қаратилган амалий ишларни янада жадаллаштириш борасида, зарур кўрсатмалар берилди.
