Давлатимиз раҳбари томонидан белгилаб берилган мактабдаги таълим-тарбия йўналишидаги устувор вазифалар юзасидан, Мактабгача ва мактаб таълими вазирлиги ҳамда Миллий гвардия ҳамкорлигида амалга ошириладиган чора-тадбирлар белгилаб олинди
Мазкур учрашувда, Миллий гвардия қўмондони Р.Джураев, Мактабгача ва мактаб таълими вазири Х.Умарова ҳамда соҳага оид мутасадди раҳбарлар иштирок этишди.
Очиқ мулоқот тарзида бўлиб ўтган давра суҳбати мобайнида ўқувчиларнинг дарслардаги давомати билан боғлиқ мавжуд муаммолар ҳамда уларнинг ечими муҳокама қилиниб, дастлабки ўрганишлар нитажасида электрон платформага киритилган давомат маълумотлари билан синфлардаги реал давомат ўртасида намоён бўлаётган тафовутларни ҳам ўз вақтида бартараф этиш юзасидан алоҳида вазифалар белгиланди.
Шунингдек ўқувчиларни ватанпарварлик руҳида тарбиялаш орқали уларда “ҳуқуқбузарликка қарши иммунитет” яратиш борасидаги ҳамкорликдаги чора-тадбирларга алоҳида эътибор қаратилди.
Учрашувда, Давлатимиз раҳбари томонидан белгилаб берилган вазифалар ёдга олиниб, ота-оналар ва маҳалла раисларининг бу борадаги масъулиятини оширишга ҳамда “Мактаб – ота-она – маҳалла” занжири асосида электрон мулоқот платформасини ишга тушириш борасидаги масалалар белгилаб олинди.
Бу борада, мактаб таълими бўйича ота-онада масъулият, ўқитувчида мажбурият, ўқувчида ишонч, таълим ва тарбияда сифат, маҳаллада эса назорат бўлиши учун янгича тизим яратилиши ва ҳамкорликда амалга ошириладиган ишлар мухокама қилинди.
Хусусан, ўқувчиларнинг бўш вақтини мазмунли ўтказиш ва касбга йўналтириш, тарбияси ва ўқишида муаммо бўлган ўқувчиларнинг ота-оналари ва маҳалла фаоллари билан бирга ишлаб, мавжуд муаммоларни кенг жамоатчилик вакиллари билан ечишга қаратилган аниқ чораларни кўриш муҳимлиги қайд этилди.
Шунингдек, мактабларда фаолият юритиб келган инспектор-психолог штатларини Миллий гвардия тизимига ўтказилганлиги муносабати билан уларнинг хизмат вазифаларини тўлақонли бажаришини таъминлашга қаратилган мақсадли чора-тадбирлар бўйича сохага оид мутасадди раҳбарларга тегишлилиги бўйича топшириқлар берилди.
