“Энг яхши ғоя”, “Энг яхши лойиҳа” ҳамда “Энг яхши ихтиро” йўналишлари бўйича муҳандислик соҳасида республика кўрик-танлови бўлиб ўтди.
Мазкур танловга республиканинг турли ҳудудларидан жами 1055 та ариза тақдим этилди ва уларнинг барчаси техник экспертиза жараёнидан ўтказилди. Саралаш босқичи натижаларига кўра, энг истиқболли ва инновацион лойиҳаларга эга 135 нафар иштирокчи танловнинг якуний босқичига йўлланма олди.
Алоҳида эътиборга молик жиҳати шундаки, илк бор ўтказилаётган ушбу танловда Миллий гвардия Жамоат хавфсизлиги университети Илмий-амалий тадқиқотлар маркази бош илмий ходими, майор И.Алижонов ўзининг “Мобил радиоалоқа воситалари учун универсал қувватлаш қурилмалари ва универсаллар қувватланадиган қувват манбаи” номли инновацион ғояси билан муносиб иштирок этди.
Танлов натижалари юртимиз Мустақиллигининг 34 йиллик байрами арафасида эълон қилинади.
