Эзгулик йўлидаги яна бир савобли ташаббус
Фарғона вилояти Қўқон шаҳар Қон қуйиш марказида “Қон – бу ҳаёт” шиори остида “Мен донор” акцияси ўтказилди.
Мазкур тадбирда турли касалликлар ёки бахтсиз ҳодиса туфайли қон алмаштиришга муҳтож беморларга жон бағишлаш, уларнинг ҳаётга қайтишларига ёрдам бериш, оғир беморларнинг умидвор кўнгилларига малҳам бўлиш ҳамда уларнинг соғайиб кетишларига ҳисса қўшишдек хайрли ишга бел боғлаган Миллий гвардия Фарғона вилояти бўйича бошқармаси ҳарбий хизматчилари ҳам фаол иштирок этишди.
Акция карантин қоидалари, санитария-гигиена талабларига тўлиқ риоя этилган ҳолда, кўнгиллилар учун зарур шароит яратилиб ташкил этилди.
Ҳарбий хизматчиларнинг фаол иштироки ҳамда савобли ишда жонбозлик кўрсатганлари учун марказ мутасаддилари ўз миннатдорчилигини билдирди.
Бу каби тадбирлар республикамиз бўйлаб давом этмоқда.
