“ЭЪЗОЗ ВА ЭҲТИРОМ” НОМЛИ ҲАРБИЙ ҚИСМДАГИ “УЧ АВЛОД УЧРАШУВИ”.
Ҳарбий қисмларда ҳафтанинг ҳар жума куни “Маънавий юксалиш ва ватанпарварлик куни” тадбирлари ўтказилиши яхши анъанага айланган. Айниқса устоз-шогирд йўналишида кўп йиллик тажрибага эга фахрийлар билан учрашувлар муддатли ҳарбий хизматчилар ва ёшларда ватанга муҳаббат туйғусини шакллантириб, ватанпарварлик руҳида улғайишига туртки бўлмоқда.
Миллий гвардиянинг Тошкент вилоятида жойлашган ҳарбий қисмларидан бирида Мустақиллигимизнинг 32 йиллиги муносабати билан “Янги ҳаёт учун, Янги Ўзбекистон учун!” шиори остида Қибрай тумани “Нуронийлар жамғармаси” ҳамда “Ёшлар ишлари агентлиги бўлими” билан ҳамкорликда “Уч авлод учрашуви” маънавий-маърифий тадбир ўтказилди. “Эъзоз ва эҳтиром” номли мазкур тадбирда уч авлод учрашувида Қибрай тумани “Нуронийлар жамғармаси” нуронийлари, ёзувчи ва шоирлар, ҳуқуқни муҳофаза қилувчи органлари фахрийлари, олимлар иштирок етишиб, ёш ҳарбий хизматчиларга ўзларининг амалий тажрибаларини сўзлаб беришди. Учрашув қизғин суҳбатларга бой бўлди.
Тадбирнинг иккинчи қисмида Мамлакатимиз мустақиллигининг ўттиз икки йиллигига бағишланган “Она диёр ранглар жилоси” мавзусида расмлар танлови бўлиб ўтди. Танлов сўнгида ғолибларни тақдирлаш маросими ҳам ташкиллаштирилди.
