Фарғона вилоятида "Биз-она ватанга содиқмиз" шиори остида ҳамкорликдаги маънавий-маърифий тадбир ташкил этилди.
Тадбир аввалида масъул раҳбарлар томонидан ушбу таълим даргоҳига илк қадам қўйган ўқувчи ёшларга Ватанимиз келажаги учун муносиб авлод бўлиб етишишлари, тантанали равишда қабул қилаётган қасамёдларига бир умр содиқ қолган ҳолда, келгусида Ўзбекистон Республикаси халқига хизмат қиладиган мард ўғлонлар бўлишлари лозимлиги таъкидланди.
Тадбир ўқувчи ёшларнинг Тантанали ваъда бериш маросими жараёнларига уланди.
Миллий гвардия Фарғона вилояти бўйича бошқармаси ҳарбий хизматчилари томонидан тайёрланган қўл жанги кўргазмали чиқишлари барча иштирокчиларга ўзгача кайфият бағишлади.
Шунингдек, Миллий гвардия вилоят Қўриқлаш бошқармаси томонидан ташкил этилган спортнинг камондан отиш тури бўйича моҳир спортчилар иштирокидаги маҳорат дарслари ташкил этилди.
Мазкур мактабда таҳсил олиб келаётган бир қатор иқтидорли, билимли, спортчи ёшларга диплом, медаль ва эсдалик совғалари топширилди.
