Мазкур ўрганиш ишлари ҳар бир вилоят хусусиятидан келиб чиққан ҳолда амалга оширилмоқда ва Миллий гвардия қўмондони генерал-майор Р.Джураев томонидан олиб борилаётган ушбу манзилли ишлар, Давлатимиз раҳбарининг Қарорлари ва видеоселектор йиғилишларида белгилаб берилган устувор вазифаларнинг амалий ижросига қаратилган.
Жорий йилнинг 6 март куни Фарғона вилоятида олиб борилган ўрганиш ишлари давомида ҳам дастлаб, Миллий гвардия шахсий таркибининг жанговар ва жисмоний тайёргарлиги текширилди. Унда вилоят ҳокимияти ва ҳуқуқ-тартибот идоралари раҳбарлари иштирок этишди.
- Тадбир давомида, дунёда юз бераётган турли хавф хатарлардан келиб чиқиб ҳарбий хизматчиларнинг юқори жанговар шайлиги ва уларнинг шаҳар шаройитадаги ностандарт вазиятларда аниқ ва ишончли ҳаракатларига, шунингдек, бошқарув тизимига алоҳида эътибор қаратилди. Вилоятдаги куч тузилмаларининг ўзаро ҳамкорлигини янада кучайтирган ҳолда, шахсий таркибнинг жанговар ва маънавий тайёргарлигини Жаҳон тажрибасига мос равишда такомиллаштириб борилиши борасида вазифалар юклатилди.
- Манзилли ишлар давомида, Фарғона вилоятидаги мактабларда давомат масалалари ва ўқувчи ёшларни ҳарбий ватанпарварлик руҳида тарбиялаш борасидаги ишлар юзасидан Фарғона шаҳридаги 5 мактабнинг 9 “Е” “Ёш гвардиячилар” синфи (маълумот учун бугунги кунга келиб, республикамиз бўйлаб 190 та мактабларда 224 та шу каби синфлар фаолияти йўлга қўйилди ва уларда ўқувчилар сони 6029 нафарни ташкил қилмоқда, Фарғона вилоятида эса 43 та мактабларда 47 та “Ёш гвардиячилар” синфлари очилиб уларда 1327 ўқувчи таҳсил олиб қилмоқда) ўқувчилари билан, шунингдек, Давлатимиз раҳбарининг Спорт соҳасини янги босқичга олиб чиқиш бўйича белгилаб берган устувор вазифаларининг амалий ижроси юзасидан “Олимпия ва паралимпия спорт турларига тайёрлаш захира коллежи” даги Камондан ва паракамондан отиш мураббийлари ва спортчилари билан учрашув бўлиб ўтди.
- Ўрганиш ишлари якунида йиғилиш ўтказилиб, унда Миллий гвардия қўмондони томонидан, Ўзбекистон Республикаси Президенти, Қуролли Кучлар Олий Бош қўмондони Шавкат Мирзиёев раислигида ўтказилган Хавфсизлик кенгаши йиғилишида белгилаб берилган устувор вазифалардан келиб чиқиб истиқболли чора-тадбирлар белгиланди. Тизим фаолиятида сунъий интеллект, дрон ва уларга қарши воситалардан фойдаланиш борасидаги муҳим йўналишлар бўйича мутасадди раҳбарларнинг ахборотлари тингланди.
– Шунингдек, Давлатимиз раҳбари томонидан куни кеча ўтказилган Коррупцияга қарши курашиш бўйича миллий кенгашнинг кенгайтирилган йиғилишда белгилаб берилган устувор вазифаларнинг мазмун-моҳияти етказилди.