Фарғона вилоятида Миллий гвардия ходимлари фуқарони гиёҳвандлик моддаси билан қўлга олишди
2024 йил 22 июлдан 23 июлга ўтар кечаси Қўқон шаҳрида тунги вақтда ҳуқуқ-тартибот, фуқаролар хавфсизлиги ва осойишталигини таъминлаш бўйича ўтказилаётган тезкор-профилактик тадбирлари давомида “Муқимий” боғида ўзини шубҳали тутган шахс Миллий гвардия Фарғона вилояти бошқармаси ва ички ишлар органлари ходимларининг эътиборини тортади. Номаълум шахсдан ҳужжатларини тақдим этиш сўралганда, шахсини тасдиқловчи ҳеч қандай ҳужжат кўрсата олмайди. Шахсини аниқлаш учун таклиф қилинган ички ишлар бўлимида холислар иштирокида ўтказилган шахсий тинтув жараёнида Қўқон шаҳрида яшовчи Б.И.дан ўзига хос ҳидли жигарранг модда борлиги аниқланган. Мазкур ҳолат юзасидан Қўқон шаҳар ИИБ томонидан терговга қадар текширув ҳаракатлари олиб борилмоқда.
