"Фидойинг бўлгаймиз сени Ўзбекистон" шиори остида Миллий гвардия ҳарбий хизматчилари ва Ўзбекистон Давлат Жаҳон тиллари университети талабалари иштирокида байрамона тадбир ташкил этилди
Бугун 11 январь куни Миллий гвардия Моддий-техник таъминот марказий базаси ҳудудида Ўзбекистон Давлат Жаҳон тиллари университети томонидан “14-январь Ватан ҳимоячилари” куни байрами муносабати билан "Фидойинг бўлгаймиз сени Ўзбекистон" шиори остида муддатли ҳарбий хизматчилар учун психологик тренинг ташкиллаштирилди.
Мазкур тренингда университетнинг инглиз филологияси факультети ўқитувчи ва талабалари томонидан диққатни ривожлантирувчи ва жалб этувчи "бузуқ телефон", "тезкорлик" каби мавзулари юзасидан турли хил машғулотлар ўтказилди.
Унда аскарларнинг маълумотларни қай даражада етказиб беришлари ва ўзини намоён этиш шароитларини яратиш ҳамда ўзига бўлган ишончни юксалтириш ва психологик билимини ошириш каби қизиқарли чиқишлар тарзида олиб борилди.
Тренинг мобайнида университет талаба қизлари иштирокида турли хил тилларда жуда қизиқ байрам табриклари ва тилаклар айтилди.
Шунингдек, талаба ёшларнинг кайфиятни янада кўтариш мақсадида "Қувноқлар ва Зукколар" (ҚВЗ) ёшларга оид ҳазил, ажойиб ва танқидий саҳна кўринишлари намойиш этилиши билан бир қаторда мусиқий чиқишлар ва мавзуга оид шерлар мутолаа қилинди.
Мазкур тадбир якунида тренингда фаол иштирок этган ҳарбий хизматчилар муносиб рағбатлантирилди.
