Фирибгарликда айбланиб, қидирувда бўлган икки нафар шахс Миллий гвардия ходимлари томонидан қўлга олинди
Пойтахтимизнинг Миробод тумани “Қўйлиқ” деҳқон бозорига туташ ҳудудда жамоат тартиби ва фуқаролар хавфсизлигини таъминлаш бўйича ўз хизмат вазифасини бажараётган Миллий гвардия ходимлари томонидан қидирувда бўлган шахс қўлга олинди.
Дастлабки суриштирувлар натижасида, қидирувда бўлган ушбу шахс 40 ёшли X.Р. эканлиги маълум бўлиб, жорий йилнинг апрель ойида унга нисбатан Бухоро вилояти ИИБ томонидан фирибгарлик билан боғлиқ жиноят содир этганлиги сабабли қидирув эълон қилинган.
Шунингдек, олинган маълумотларга кўра, Миробод тумани Қўриқлаш бўлими тезкор гуруҳ ходимлари томонидан, Фарғона йўли кўчасида жойлашган “Файзобод корзинка” савдо мажмуасида, қидирувда бўлган яна бир шахс, қўлга олинди.
Ўрганишлар натижасида ушбу шахс 19 ёшли фуқаро Р.Б. эканлиги ва У, Ўзбекистон Республикаси Жиноят кодексининг 168-моддаси (“Фирибгарлик”)да назарда тутилган жиноятни содир этганликда айбланиб, Юнусобод тумани ИИБ томонидан қидирувга берилганлиги аниқланди.
Қўлга олинган шахслар ҳудудий ички ишлар бўлимларига топширилди.
