ФИРИБГАРЛАРДАН ЭҲТИЁТ БЎЛИНГ!
Фарғона вилояти Марғилон шаҳридан олинган хабарга кўра вилоят Миллий гвардия Қўриқлаш бошқармаси ва ИЖҚКД Марғилон шаҳар бўлими ходимлари ҳамкорлигида тезкор тадбир ўтказилди.
Тезкор тадбир давомида муқаддам Қўштепа тумани суди томонидан ЖК 168-моддаси 3-қисми "б" (Фирибгарлик (ўта хавфли рецидивист томонидан)) банди билан судланиб, жазо тайинланган фуқаро Т.Э. ўз қилмишидан тўғри хулоса чиқармасдан яна фирибгарликка қўл урди. Унга кўра фуқаро Т.Э. фуқаро Х.Г. нинг ишончига кириб, унинг ўғли Т.А.ни Миллий гвардияда ишловчи танишлари орқали ушбу тизимга ишга киритиб қўйишни ваъда қилиб 2021 йилнинг июнь ойида 2000 АҚШ доллари миқдорида ва жорий йилнинг 5 февраль куни 1 100 минг сўм пул маблағларини Марғилон шаҳар Б.Марғилоний кўчасида пора сифатида олаётган вақтида ашёвий далиллар билан қўлга олинди. Ҳозирда унга нисбатан ИЖҚКД шаҳар бўлими томонидан ЖКнинг 168-моддаси 1-қисми билан жиноят иши қўзғатилган.
***
Қашқадарё вилояти Яккабоғ тумани ИИБ га келиб тушган ёзма мурожаатларга кўра Яккабоғ туманида яшовчи фуқаро Д.М. қишлоқдоши фуқаро Ж.З. нинг ишончига кириб туман Агробанкдан ўзининг таниши орқали 0,4%га имтиёзли кредит чиқариб беришини айтиб, 2021 йилнинг январь ойида 250 АҚШ доллар миқдоридаги пулни, шунингдек, Яккабоғ туманида яшовчи 4-МТМ да тарбиячи ёрдамчиси бўлиб ишловчи фуқаро Т.Н. нинг ишончига кириб 2021 йил март ойида туманидаги Агробанк филиалидан 0,4%га имтиёзли кредит олиб беришини айтиб 500 000 сўм миқдоридаги пулни, ҳамда ушбу туманда яшовчи фуқаро А.Н. нинг ҳам ушбу банкдан 0,4%га имтиёзли кредит олиб беришини айтиб 1 млн сўм миқдордаги пулларни олиб, ўз эҳтиёжи учун ишлатиб юборганлигини ҳамда Яккабоғ туманида яшовчи фуқаро Қ.Б. дан 8.5 млн сўм эвазига ушбу фуқаронинг ўғлига коллеж дипломини ва жияни М.М.га ҳайдовчилик гувоҳномасини олиб беришни ваъда қилиб алдаб келган. Шунингдек, ушбу аёл яъни фуқаро Д.М. ўзини Миллий гвардия ходимиман деб таништириб Яккабоғ туманида яшовчи фуқаро З.О. ни алдаб 2021 йил март ойида субсидия асосида уй олиб беришини ваъда қилиб, эвазига 2 700 000 сўм миқдоридаги пулларни олиб, ўз эҳтиёжи учун ишлатиб юборганлиги маълум бўлган.
Мазкур ҳолатлар юзасидан ҳозирда фуқаро Д.М. қўлга олинган ва ТИИБ ТБ томонидан унга нисбатан Ўз.РЖКнинг 168-м 3-к "б" (Фирибгарлик (ўта хавфли рецидивист томонидан)) банди билан жиноят иши қўзғатилган.
Ҳурматли фуқаролар, фирибгарлар тузоғига тушиб қолманг.
Шундай инсонлар учраб қолса қуйида кўрсатилган телефон рақамларига қўнғироқ қилиб мурожаат қилишингиз мумкин.
