ГИЁҲВАНДЛИК УМР ЗАВОЛИ
Қорақалпоғистон Республикасида ҳуқуқни муҳофаза қилиш орган ходимларининг ҳамкорликдаги тезкор тадбирлари давом этмоқда.
Шу каби тадбир жорий йилнинг 17 февраль куни келиб тушган хабарга кўра ДХХ, Нукус шаҳар ИИБ ва Миллий гвардия масъул ходимлари ҳамкорлигида Нукус шаҳрида ўтказилди.
Тадбир давомида 1986 йилда туғилган Хўжайли туманида яшовчи фуқаро П.А. махсус харидорга 1 100 000 сўм эвазига 10 дона “Рубуфин” номли таркибида гиёҳванд моддаси бўлган дори воситасини сотаётган вақтида қўлга олиниб, дори воситалари холислар иштирокида далилий ашё сифатида расмийлаштирилган.
Ушбу гиёҳвандлик дори воситаларининг келиб чиқиш манбасини аниқлаш мақсадида олиб борилган тезкор суриштирув ишлари давомида фуқаро П.А. ушбу дори воситаларини Нукус шаҳрида яшовчи 1994 й.т. фуқаро О.А.дан олганлиги маълум бўлган. Фуқаро О.А. нинг яшаш хонадони ўрнатилган тартибда кўздан кечирилганда 207 дона “Рубуфин” ва 150 дона “Энфин” (налбуфин) гиёҳвандлик дори воситалари борлиги аниқланиб, холислар иштирокида тегишли тартибда ҳужжатлаштирилиб олинди.
Ҳозирда мазкур ҳолат юзасидан суриштирув ишлари давом этмоқда.
