ГИЁҲВАНДЛИК МОДДАСИ СОТИЛИШИ ОЛДИ ОЛИНДИ
Жорий йилнинг 13 март куни Фарғона вилоятида олинган хабарга кўра Миллий гвардия ва Қўқон шаҳар ИИО масъул ходимлари ҳамкорлигида тезкор тадбир ўтказилди. Тадбир давомида, Қўқон шаҳрида яшовчи 1999 йилда туғилган фуқаро Д.Б. махсус харидорга 500.000 (беш юз минг) сўм пул эвазига вазни 4 гр бўлган “Гашиш” гиёҳвандлик моддасини сотаётган вақтида қўлга олиниб, унинг бошқарувида бўлган давлат рақами “40 608 ТТК” бўлган МАТИЗ русумли автомашина кўздан кечирилганда автомашина ўриндиғи остида ҳам вазни тахминан 7 гр бўлган “Гашиш” гиёҳвандлик моддаси борлиги аниқланган. Ходимлар томонидан жами 11 гр “Гашиш” гиёҳвандлик моддаси ва 500 000 сўм пул холислар иштирокида далилий ашё сифатида олиниб, тегишли равишда ҳужжатлар расмийлаштирилган.
Ҳозирда мазкур ҳолат юзасидан Қўқон шаҳар ИИО ходимлари томонидан суриштирув ишлари давом эттирилмоқда.
