Ҳамкорликдаги рейд тадбирлари давомида умумий қиймати 171 миллион сўм бўлган фармацевтика воситаларининг ноқонуний савдосига чек қўйилди
Жорий йилнинг 25 январь куни соат тахминан 10:30 ларда Фарғона вилояти Давлат хавфсизлик хизмати ва вилоят бошқармаси ҳарбий хизматчилари билан ҳамкорликда ўтказилган тадбир давомида 54 ёшли фуқаро Н.Б. бошқарувидаги Cobalt русумли автотранспорт воситаси 30 ёшли фуқаро А.X.нинг хонадонидан чиқаётган вақтида тадбир иштирокчилари ва холислар иштирокида кўздан кечирилганида автомашина салони ва юкхонасида тегишли ҳужжатлари бўлмаган, сифати кафолатланмаган 16 400 дона
"Цефтриаксон" номли дори воситалари борлиги аниқланди.
Шундан сўнг фуқаро А.X.нинг яшаш хонадони тегишли тартибда кўздан кечирилганда хонадон ҳовлисида тегишли ҳужжатлари бўлмаган, сифати кафолатланмаган 8 000 дона худди шундай дори воситалари борлиги маълум бўлди.
Тезкор тадбир давом эттирилиб, фуқаро А.X.нинг иккинчи яшаш хонадони кўздан кечирилганида хонадондан ҳам 800 дона "Цефтриаксон" ва 40 000 дона "Кардиомагнил" номли дори воситалари топилди.
Ўтказилган тезкор тадбир давомида умумий қиймати 171 200 000 сўмлик 2 турдаги жами 65 200 дона сифати кафолатланмаган дори воситалари ашёвий далил тариқасида мусодара қилиниб, тегишли тартибда ҳужжатлар расмийлаштирилди.
