ҲАМКОРЛИК САМАРА БЕРМОҚДА
Фарғона вилоятида Миллий гвардия ва вилоят ИИБ ходимлари билан ҳамкорликда ўтказилган тезкор тадбир натижасида, Фарғона тумани “Юқори Водил” МФЙ Соҳибкор кўчасининг Қирғизистон Республикаси билан чегарадош бўлган ҳудудидан номаълум шахс томонидан ташлаб кетилган, айланма йўллар орқали Қирғизистон Республикасидан олиб ўтилган, ҳеч қандай тегишли ҳужжатларсиз, хорижда ишлаб чиқарилган тахминий қиймати 16 200 000 сўмлик бўлган жами 7 600 дона “Тайфун-ЭС” ва 10 дона бўлган “Делтафоз 36%” номли ўсимлик дори воситалари ташлаб кетилганлиги аниқланди. Ушбу ҳолат юзасидан воқеа жойидан олинган товар-моддий бойликлари холислар иштирокида баённома тузилиб далилий ашё тариқасида олинди.
Мазкур ҳолат юзасидан Фарғона тумани ИИБ томонидан терговолди суриштирув ҳаракатлари давом эттирилмоқда.
