ҲАМКОРЛИКДАГИ ТЕЗКОР ТАДБИРЛАР
Жорий йилнинг 24-апрель куни вилоят ИИБ га келиб тушган хабарга кўра Миллий гвардия ва Қўқон шаҳар ИИБ ходимлари ҳамкорлигида тезкор тадбир ўтказилди.
“Чинобод” тоғли ҳудудида ўтказилган мазкур тезкор тадбир давомида 1997 йилда Қўқон шаҳрида туғилган фуқаро Ш.А. тадбирга жалб қилинган махсус харидорга 1.000.000 сўм эвазига, 5 грамм “Гашиш” гиёҳвандлик моддасини сотган вақтида қўлга олиниб, холислар иштирокида далилий ашё тариқасида олиб қўйилди.
Шу куни давом этган тезкор тадбир давомида Қўқон шаҳрида яшовчи фуқаро А.А. нинг яшаш хонадони белгиланган тартибда кўздан кечирилганда 4 туп “Наша” гиёҳвандлик ўсимлиги ва ҳаммомига бекитилган 7,42 гр вазндаги “Марихуана” гиёҳванд воситаси аниқланган.
Шунингдек, Қўқон шаҳрида яшовчи фуқаро Т.А. нинг уйи ҳовлисидан
3 туп “Наша” гиёҳвандлик ўсимлиги ва ёнидан сигарета қутисига жойлаштирилган вазни 6,75 грамм бўлган “Марихуана” гиёҳванд моддаси борлиги аниқланиб холислар иштирокида далилий ашё сифатида олиб қўйилган.
Мазкур ҳолатлар юзасидан тегишли ҳужжатлар расмийлаштирилиб, Қўқон шаҳар ИИО ФМБга топширилган ва ҳозирда суриштирув ишлари олиб борилмоқда.
