Ҳақоратли сўз ишлатиш - 20 миллион сўмгача жарима тўлашга сабаб бўлади
Эслатиб ўтамиз, ижтимоий тармоқлардаги постларга бошқа бир одамнинг шаъни ва қадр-қимматини камситувчи ва обрўсига путур етказувчи ёлғон маълумотлар ёзилган изоҳ учун Ўзбекистон Республикаси маъмурий жавобгарлик тўғрисидаги Кодекснинг 40-моддасида базавий ҳисоблаш миқдорининг 20 дан 60 бараваригача миқдорида жарима солиш белгиланган.
Шунингдек, агар изоҳ қолдирувчи шахс ижтимоий тармоқларнинг бошқа фойдаланувчиларини ҳақорат қилса, уларнинг жисмоний, ақлий ва бошқа фазилатларини камситувчи баҳо бериб, одобсиз сўзларни ишлатиб, қадр-қимматини ерга урса, Ўзбекистон Республикаси маъмурий жавобгарлик тўғрисидаги кодекснинг 41-моддасига асосан унга базавий ҳисоблаш миқдорининг 20 дан 40 бараваригача миқдорида жарима солинади.
Маълумот учун: бугунги кунда базавий ҳисоблаш миқдори 340 минг сўмни ташкил этади.
