Ҳудудларда пиротехника воситаларининг ноқонуний айланмаси ва ундан фойдаланишнинг олди олинди
Қиш фаслининг энг кутилган байрами бу-Янги йил байрами. Бу байрамда турли кўнгилсизликлар содир бўлишини олдини олиш учун барчамиз масъулмиз. Бироқ пиротехника воситаларининг ноқонуний айланмаси оқибатида келиб чиқадиган ҳодисалар дилни хира қилади.
Миллий гвардия Наманган вилояти бўйича бошқармаси ҳарбий хизматчиларининг сайи-ҳаракатлари билан яна бир ноқонуний пиротехника воситаларининг айланмасига чек қўйилди.
Шунингдек, Жорий йилнинг 13 декабрь куни, Фарғона тумани чегара патруль-пост яқинида ДХХ ЧҚ ҳарбий хизматчилари билан ҳамкорликда хизмат олиб бораётган Миллий гвардия Фарғона вилояти бўйича бошқармаси ҳарбий хизматчиси сержант И.Рўзиев ва унинг “Белла” лақабли хизмат ити ёрдамида Фарғона тумани “Бўстон” МФЙда жойлашган 18-сонли мактаб тор кўчасида, кимга тегишлилиги номаълум бўлган, айланма йўллар орқали олиб ўтилган ҳеч қандай ҳужжатлари бўлмаган Хитой Халқ Республикасида ишлаб чиқарилган, тахминий қиймати 10.500.000 (ўн миллион, беш юз минг) сўмлик 3 дона қоғоз қутиларда “7 ШОТ”, 1 дона қоғоз қутида “Британик” ва 1 дона қоғоз қутида “Золотой песок” номли пиротехника воситалари аниқланиб далилий ашё тариқасида олинди. Мазкур ҳолат юзасидан, терговга қадар текширув ишлари давом эттирилмоқда.
Шу билан бирга Миллий гвардия Сирдарё вилояти бўйича бошқармаси ҳарбий хизматчилари томонидан ҳам яна бир пиротехника воситаларидан фойдаланишга чек қўйилди. Вилоят ҳудуди бўйлаб жамоат тартибини сақлаш, ҳуқуқбузарликларнинг олдини олиш борасида олиб борилаётган сайи-ҳаракатлар ўз натижасини бермоқда. Пиротехника воситаларига қарши курашиш бўйича олиб борилаётган тарғибот тадбирлари давомида бир қанча пиротехника воситаларидан фойдаланишнинг олди олинди.
