"ИБРАТЛИ ОИЛА" КЎРИК-ТАНЛОВИНИНГ СИРДАРЁ ВИЛОЯТИ БЎЙИЧА БОСҚИЧИ БЎЛИБ ЎТДИ
Ҳарбий хизматчи ва ходимларнинг оила аъзоларини ижодий салоҳиятини ривожлантириш ҳамда уларнинг оилаларидаги ижобий ҳаётий тажрибасини оммалаштириш мақсадида Миллий гвардия Сирдарё вилояти бўйича бошқармаси ҳамда Қўриқлаш бошқармаси ходимлари ўртасида "Ибратли оила" кўрик- танловининг вилоят босқичи бўлиб ўтди.
Тадбирда ҳарбий хизматчилар орасида ҳурмат қозонган, жамиятда истиқомат қилаётган жойларидаги қўшнилари билан яхши муносабат ўрната билган, фарзанд тарбияси масаласида бошқаларга ўрнак бўла оладиган, ҳар томонлама ибратли, кўп йиллик оилавий тажрибага эга бўлган оилалар: Казакбаевлар, Суюновлар, Ибрагимовлар, Қурбоновлар ҳамда Розиқовлар оилалари иштирок этишди.
Қизиқарли ҳамда бугунги кундалик ҳаётда учрайдиган замон иллатлари, шарқона одоб, қадриятларни намойиш этишга қаратилган турли шартлардан ўзларининг зукколиклари билан тадбирда учинчи ўринни Суюновлар оиласи, иккинчи ўринни Розиқовлар оиласи қўлга киритди.
Юксак билимдонлиги бобида бошқа жамоаларни ортда қолдирган Қурбоновлар оиласи фахрли биринчи ўринни қўлга киритиб, кейинги босқичга яъни, республика босқичига йўлланмани қўлга киритишди.
Ғолиб бўлган ҳамда тадбирда фаол иштирок этган оилаларга диплом ҳамда қимматбаҳо эсдалик совғалари топширилди.
