ИСЛОҲОТЛАР ИЖРОСИ АМАЛДА
Республикамиз бўйлаб фаолияти йўлга қўйилган масъул вазирликлар ҳамкорлигидаги ишчи гуруҳ аъзоларининг секторлар кесимидаги “маҳаллабай” амалга ошираётган ишлари ўз самарасини бермоқда.
Куни кеча Сурхондарё вилоятида Миллий гвардия бошқармаси мутасадди раҳбарлари томонидан Бойсун ва Олтинсой туманларида жиноятчиликни барвақт олдини олиш, профилактик тадбирларни кучайтириш, "маҳаллабай" олиб борилаётган ишлар самарадорлиги ошириш масалалари ўрганилди.
Жойлардаги сектор раҳбарлари, халқ депутатлари туман кенгаши депутатлари, ҳуқуқни муҳофаза қилувчи органлар, МФЙ раислари ва фаоллари, ҳокимлик, корхона ва ташкилотлар масъуллари ҳамда кенг жамоатчилик вакиллари билан учрашув ўтказилиб, унда ҳуқуқбузарликлар профилактикаси ва жиноятчиликни олдини олиш борасидаги ишлар атрофлича таҳлил қилинди.
Учрашув мобайнида аёллар ва ёшлар томонидан содир этилган жиноятлар ошиб кетганлиги танқид қилиниб, тегишли масъул раҳбарлар қатъий огоҳлантирилди. Жиноят ошган маҳаллаларда профилактик тарғибот тадбирларини кучайтириш, психологларни жалб этган ҳолда оилаларни ўрганиш, тегишли чора-тадбирларни белгилаш юзасидан мутасаддиларга аниқ вазифалар юклатилди.
Шунингдек, учрашувда "Маҳаллабай" доирасида, "Темир дафтар", "Ёшлар дафтари" ва "Аёллар дафтар"ларига киритилган фуқароларнинг муаммолари ўрганиш, турмуш шароитини яхшилаш ва бандлигини таъминлаш ва ушбу дафтарлар рўйхатидан чиқариш борасида амалга оширилган ишлар атрофлича муҳокама этилиб, бу йўналишдаги белгиланган вазифаларни бажаришда барча бўғиндаги раҳбарлар масъулият билан ёндашиш зарурлиги таъкидланди.
Мулоқот давомида жойларда фуқароларнинг карантин тартиб-қоидаларига риоя этмаётганлиги бу эса коронавирус билан касалланганлар сони кескин ошиб кетаётганлиги айтиб ўтилди. Бу борада барча алоқадор ташкилотлар вакиллари аҳоли ўртасида тарғиботлар ўтказиб, фуқароларни эътиборсиз бўлмасликка чорлаш, карантинда белгиланган чекловларга амал қилинишини назорат этишлари лозимлиги таъкидланди. Якунда, иштирокчиларнинг савол ва таклифлари тингланиб, раҳбарларга тегишли кўрсатма ва топшириқлар берилди.
