"Яшил макон" - келажак олдидаги масъулиятимиз
Аввал хабар берганимиздек, "Қўриқлаш" бош бошқармасининг ҳудудий бўлинмалари томонидан “Яшил макон” умуммиллий лойиҳаси доирасида ҳудудларда кўчат экиш тадбирлари амалга оширилмоқда.
Лойиҳа доирасида ходимлар томонидан масъул ташкилотлар билан ҳамкорликда маҳаллаларда яшил боғлар яратилиб, кўп қаватли уйлар ҳамда марказий кўчалар атрофига турли кўчатлар экилмоқда ҳамда уларнинг парвариши таъминланмоқда.
Хусусан, белгиланган ҳудудларда тут, гилос, каштан, акация, чинор сингари мевали ва манзарали дарахтлар ниҳоллари, сувсизликка чидамли, иқлимга мос бўлган қайрағоч, бодом, шунингдек одамлар кўнглига хуш ёқадиган ва ёқимли ифор таратадиган райҳон, лаванда, гултожихўроз, хризантема сингари гуллар экилмоқда.
Шунингдек ҳудудларда Миллий гвардия боғлари яратилиб, мазкур боғларга ҳам гужум, катальпа, клён, акация, япон софораси, каштан, чинор, қарағоч, бодом дарахтлари ниҳоллари, терак қаламчалари, турфа хушбўй гуллар экилиб уларнинг парвариши таъминланмоқда.
Бундай сай ҳаракатлардан мақсад Мамлакатимизда экологик вазиятни яхшилаш, трансчегаравий гармсел шамоллари ва чанг-қум бўронларининг атроф-муҳитга зарарли таъсирларининг олдини олиш ҳамда келажак авлод олдидаги энг муҳим вазифамиз экологияни мустаҳкам ҳолатда етказиб беришдан иборат.
