Ҳам жисмонан, ҳам маънан баркамол ёшлар – бизнинг келажагимиз
Президентимиз томонидан илгари сурилган бешта муҳим ташаббус доирасида Миллий гвардия Ҳарбий-техник институти “Жисмоний тарбия ва спорт кафедраси” ташаббуси билан Олмазор туманидаги 326-мактабда спорт мусобақалари ўтказилди.
Тадбирда Олмазор туманида жойлашган 29,326-умумтаълим мактаблари ҳамда 102-махсус мактаблардан иборат ўқувчилар иштирок этди.
Дастлаб, тадбирда ўқувчилар билан давра суҳбати ташкил этилиб, унда Ўзбекистон Республикаси Миллий гвардияси қўмондони ўринбосари полковник С.Мамаюсупов томонидан бугунги кунда ёшларга яратилаётган имкониятлардан тўғри фойдаланиб, юртга садоқатли бўлиш, ва дахлдорлик ҳисси билан яшашга, буюк аждодларнинг муносиб вориси сифатида ҳам жисмонан, ҳам маънан баркамол бўлишини таъкидлади.
Шундан сўнг, спорт мусобақаларига старт берилди. Мусобақада 3та жамоага бўлинган ёшлар ҳарбийлаштирилган эстафета, арқон тортиш, армрестлинг ва спортнинг бошқа турлари бўйича беллашдилар.
Қизғин ва муросасиз баҳслар якунига кўра,
326 умумтаълим мактаби
102-махсус мактаб
29-умумтаълим мактаби эгаллади.
Ғолиб жамоаларга Миллий гвардия қўмондони ўринбосари полковник С.Мамаюсупов томонидан диплом ва эсдалик совғалари тантанали равишда топширилди.
Тадбирдан кўзланган асосий мақсад ёшларни бўш вақтларини мазмунли ўтказиш ва улар орасида ватанпарварлик туйғуларини мустаҳкамлашдан иборат бўлди.