“ЖИСМОНИЙ ШАХСЛАРНИНГ МУЛКИНИ ҚЎРИҚЛАШДА ИННОВАЦИОН ЕЧИМЛАР” МАВЗУСИДА РЕСПУБЛИКА МИҚЁСИДАГИ ИЛМИЙ-АМАЛИЙ КОНФЕРЕНЦИЯ ЎТКАЗИЛДИ
Ўзбекистон Республикасидаги турли объектларнинг комплекс қўриқлаш тизимини баҳолашда мавжуд муаммоларни ўрганиш ҳамда уларнинг ечимини топиш мақсадида Жамоат хавфсизлиги университетида “Жисмоний шахсларнинг мулкини қўриқлашда инновацион ечимлар” мавзусида республика илмий-амалий конференцияси ўтказилди. Ушбу анжуманда Ўзбекистон Республикаси Миллий гвардияси, Қўриқлаш Бош бошқармаси, Ўзбекистон Республикаси ИИВ Қоровул қўшинлари соҳа мутахассислари, олий ҳарбий таълим муассасаларнинг профессор-ўқитувчилари иштирок этишди. Конференция мавзуси юзасидан бир қатор етакчи мутахассисларнинг фикрлари эшитилиб, соҳадаги мавжуд муаммоларни ҳал этишга йўналтирилган зарур илмий ва амалий тавсиялар ишлаб чиқилди.
Тадбир якунида иқтидорли курсантлар томонидан тайёрланган рационализаторлик ишларининг кўргазмаси ўтказилди.
