"Ватанпарвар ёш гвардиячилар" клуби ёшларга маҳорат мактаби вазифасини ўтамоқда
Ўзбекистон Республикасининг 2016 йил 14 сентябрдаги "Ёшларга оид давлат сиёсати тўғрисида"ги Қонуни ҳамда Ўзбекистон Республикасида 2020 йилда ёшларга оид давлат сиёсатини янги босқичга олиб чиқишга қаратилган чора-тадбирлар дастури ижросини таъминлаш мақсадида Ўзбекистон Республикаси Миллий гвардияси, Халқ таълими вазирлиги, Ёшлар ишлари агентлиги ва Ўзбекистон ёшлар иттифоқи томонидан қабул қилинган қўшма қарорга мувофиқ, ҳудудларда Миллий гвардия тизимида хизмат ўтаётган ҳарбий хизматчи ва ходимларнинг фарзандлари, шунингдек соҳага қизиқувчан маҳалла ёшларининг бўш вақтини мазмунли ўтказишларини таъминлаш, ҳарбий ватанпарварлик ва маънавий-ахлоқий, миллий ва умуминсоний қадриятларга ҳурмат руҳида тарбиялаш ҳамда уларнинг интеллектуал ва ижодий салоҳиятини рўёбга чиқариш мақсадида "Ватанпарвар ёш гвардиячилар" клуби фаолияти йўлга қўйилган.
Айни кунларда эса, ёшларнинг дарсдан бўш вақтларидан келиб чиққан ҳолда, ҳафтанинг ҳар уч кунида Миллий гвардия Бухоро вилояти бўйича бошқармасида "Ватанпарвар ёш гвардиячилар" клуби аъзолари билан ўқув ва амалий машғулотлар олиб борилиб, улар билан жисмоний соғломлаштириш ҳамда ҳарбий-ватанпарварлик тадбирлари амалга оширилмоқда.
