Ҳарбий хизматчилар ва уларнинг оилалари ҳамда муддатли ҳарбий хизматчилар учун Фарғона шаҳар санъат саройида концерт дастури ташкил этилди
Миллий гвардия Фарғона вилояти бўйича бошқармаси ҳарбий хизматчилари оила аъзоларининг маънавий-маърифий дам олишларини таъминлаш ҳамда ҳарбий қисмда хизмат ўтаётган муддатли ҳарбий хизматчиларнинг маданий ҳордиқ чиқаришларини ташкиллаштириш мақсадида Фарғона шаҳридаги И. Каримов номидаги санъат саройига ташриф уюштирилди. У ерда Миллий гвардия Маънавият ва маърифат маркази ашула ва рақс ансамбли, Қуролли кучлар Марказий ашула ва рақс ансамбли, вилоят Маданият бошқармаси ҳамкорлигида тайёрланган концерт дастури намойиш этилди. "Ватан манзумаси" деб номланган концерт дастурида ватанни мадҳ этувчи куй ва қўшиқлар моҳирона ижро этилиб, барчага кўтаринки кайфият бағишлади.
