Маҳаллий аҳоли томонидан келиб тушган хабарга биноан, жамоат тартибини бузиб тунги вақтда маст ҳолда ўзаро жанжаллашиб юрган икки фуқаро қўлга олинди
Жорий йилнинг 10 сентябрь куни тунги соат 01:45 ларда Урганч шаҳар Қўриқлаш бўлинмасига ушбу ҳудудда жойлашган “Бобур” кафесидан ташвиш хабари келиб тушган.
Олинган хабарга кўра воқеа жойига етиб борган Тезкор ҳаракатланувчи гуруҳ кафе олдида 2 та фуқаро маст ҳолда жанжаллашаётганликларини гувоҳи бўлишган. Жанжаллашаётганларни ажратиб ҳолатни юмшатишга уринган ходимларга ҳам улардан бири куч ишлатиб фаол қаршилик кўрсатишга ўтган, шундан сўнг ходим ўрнатилган тартибда фуқаронинг қорин қисмига электрошокер мосламасини бир маротаба қўллаган ҳолда тинчлантириб олиб кетишган.
Ўрганишлар давомида ушбу шахслар, Урганч шаҳрида яшовчи 30 ёшли фуқаро Ж.Д. ва Хонқа туманида яшовчи 29 ёшар фуқаро Б.Ё. лар экани ва ўзаро келишмовчилик оқибатида жанжаллашганликлари маълум бўлган.
Улар Урганч шаҳар тез тиббий ёрдам бўлимига олиб борилган ҳолда ўрнатилган тартибда тиббий кўрикдан ўтказилиб, ҳеч қандай тан жароҳати йўқлиги лекин, спиртли ичимлик истеъмол қилганликлари аниқланганлигидан сўнг 2 -сонли ИИБ да белгиланган тартибда рўйхатга олинган ва ҳолат юзасидан суриштирув ишлари олиб борилмоқда.
