«Наврўз» умумхалқ байрами арафасида Миллий гвардия қўмондонлиги ташаббуси билан Тошкент Темурбеклар мактабида “Янги Ўзбекистоннинг шижоатли қизлари” шиори остида “Раҳбар аёл ва ёшлар учрашуви” ўтказилди. Унда, Миллий гвардия тизимида таҳсил олаётган курсантлар ҳамда ўқувчи қизлар билан Бош вазир ўринбосари, Оила ва хотин-қизлар қўмитаси раиси Зулайҳо Маҳкамованинг учрашуви ташкиллаштирилди.
“Наврўз” умумхалқ байрами арафасида Миллий гвардия қўмондонлиги ташаббуси билан Тошкент Темурбеклар мактабида “Янги Ўзбекистоннинг шижоатли қизлари”шиори остида “Раҳбар аёл ва ёшлар учрашуви” ўтказилди. Унда, Миллий гвардия тизимидаги олий ҳарбий таълим муассасалари курсантлари, лицей ҳамда мактаблар ўқувчи қизлари билан Бош вазир ўринбосари, Оила ва хотин-қизлар қўмитаси раиси Зулайҳо Маҳкамованинг учрашуви ташкиллаштирилди.
Даставвал меҳмон билан лицей биноси ва ҳудуди бўйлаб экскурция ташкил этилди. Шундан сўнг қизлар билан суҳбат ташкил этилиб, бугунги кунда хотин-қизларга давлатимизда яратиб берилаётган шароитлар ва имкониятлар, қабул қилинаётган қонун, қарор ва фармойишлар, қўйингки, ушбу йўналишдаги барча ислоҳотлар ҳақида сўзлаб берилди. Шуни айтиб ўтишимиз керакки, кейинги йилларда мамлакатимизда аёл-қизларни ҳар томонлама қўллаб-қувватлаш, касб-ҳунарли қилиш, бандлигини таъминлаш, уларнинг жамиятимиз ҳаётидаги ижтимоий-сиёсий фаоллигини ошириш, турли соҳаларда ўз қобилият ва имкониятларини рўёбга чиқариши учун шарт-шароитлар яратиш устувор вазифага айланди.
Мамлакатимиз ижтимоий-сиёсий ҳаётининг барча соҳаларида бўлгани каби Миллий гвардия тизимида ҳам оила ва хотин-қизларни ҳар томонлама қўллаб-қувватлашга алоҳида эътибор қаратилмоқда.
Хусусан, Давлатимиз раҳбарининг 2023 йилдаги ПҚ-349-сон қарорига мувофиқ 2024 йилдан бошлаб, Миллий гвардия Тошкент “Темурбеклар мактаби” ҳарбий-академик лицейига қизболалар ҳам қабул қилиниши бошланган ва ҳозирда 27 нафар ўқувчи-қизлар таҳсил олиб келмоқда.
Юртимизда хотин-қизлар ва болалар ҳуқуқлари, эркинликлари ҳамда қонуний манфаатларини ишончли ҳимоя қилишнинг ҳуқуқий асослари тубдан такомиллаштирилмоқда. Бу борада Ўзбекистон Республикаси Миллий гвардияси, Соғлиқни сақлаш вазирлиги ҳамда Оила ва хотин-қизлар қўмитаси ўртасида ўзаро ҳамкорлик ўрнатиш мақсадида Меморандуми тузилган.
Бугунги ташкиллаштирилган тадбир ҳам мазкур Меморандум доирасида белгилаб олинган чора-тадбирлар хисобланиб, унда тизимнинг ижодкор қизлари томонидан ўтказилган мушоира давраси ва ёд олинган шеърлар мутоласи билан қизғин кечди..
Интерактив тарзда ташкил этилган учрашув савол- жавобларга бой тарзда ўтиб, қизлар раҳбар аёл бўлишликнинг маъсулияти ҳамда шарафи ҳақида билмларга эга бўлишди. Суҳбат сўнгида бу каби тадбирларни мунтазам ўтказишга келишилиб олинди. Бундан ташқари Темурбеклар мактаби ҳудудига меҳмонлар томонидан эзгу ниятлар билан дарахт кўчати ўтқазилди.
