Мактаб таълими ва давомати бўйича ўқитувчиларнинг янгича ёндашуви, ота-оналар ва маҳалла фаолларини масъулиятини ошириш орқали ўқувчиларни таълим тарбиясидаги сифатни мустахкамлашга қаратилган манзилли чора-тадбирлар Миллий гвардия қўмондони назорати остида давом эттирилмоқда
Мазкур йўналишдаги ҳамкорликда йўлга қўйилган ишлар билан танишиш мақсадида, Миллий гвардия қўмондони Р.Джураев пойтахтимизда жойлашган Миробод туманидаги 218-мактаб ва Яшнабод туманидаги
170-мактабларда бўлиб туман мутасадди раҳбарлари, мактаб директорлари, ўқитувчи мураббийлар, инспектор-психологлар ва ҳудудий маҳалла раислари билан учрашуви бўлиб ўтди.
Учрашув давомида дастлаб 218-мактаб директори ва ўқитувчилари, инспектор-психологлар хамда бириктирилган масъул ходимлар, шунингдек маҳалла фаоллари ўртасидаги ўрнатилган ҳамкорлик масалалари танқидий муҳокама қилиниб, мактабда сабабсиз дарс қолдирадиган, тарбияси ва ўқишида муаммоси бўлган битта ўқувчи бўлса ҳам унга алоҳида ёндашиб, бутун жамоани этибори қаратилиши зарурлиги тўғрисида вазифалар белгиланди.
Навбатдаги учрашув юқорида таъкидлаганимиздек 170-сонли таълим муассаси жамоаси билан бўлиб, мактаб директори ва инспектор-психологларнинг Давлатимиз раҳбари томонидан белилаб берилган соҳага оид устувор вазифалар доирасидаги мактаб ўқувчилари давомати билан боғлик мавжуд муаммолар тўғрисидаги маълумотлари тингланди. Ушбу муаммолар ечими юзасидан туман мутасадди раҳбарларининг фикр мулоҳазалари инобатга олинган ҳолда тегишлилиги буйича топшириқлар берилди.
Шундан сўнг Миллий гвардия қўмондони мактаб ўқувчиларини ҳарбий ватанпарварлик рухида тарбиялашга қаратилган спорт тўгараклари фаолияти билан танишди. Мактабда ташкил қилинган “Шунқорлар трейнинг” ҳарбий ватанпарварлик спорт клубида “Самбо”, “Дзюдо” ва “Қўл жанги” спорт турлари билан мунтазам шуғулланиб келаётган ўқувчилар билан учрашиб суҳбатлашилди. Ўқувчилар учун яратилган шаройитлар ва энг асосийси ватан хиссини ёш авлодга сингдира олиш қобилиятга эга мураббийларнинг жалб қилинганлигига юқори баҳо берилди.
Шу ўринда спортнинг қўл жанги тури билан шуғулланаётган ўқувчи ёшларнинг Ўзбекистон ҳуқуни мухофаза қилиш органлари қўл жанги федерацияси раиси билан кутилмаган учрашуви, уларга катта мотивация ва эсталик учун жамоавий суратга тушиш имконини берди.
Миллий гвардия қўмондони томонидан 170-мактаб тажрибаси сифатида, ўқувчи ёшларнинг ҳарбий ватанпарварлик руҳида талим тарбия олишга ва спорт билан шуғулланишга бўлган шижоатларини бошқа мактабларга намуна сифатида кўрсатиш ва тарғибот қилиш масалалари юзасидан масъул ходимларга вазифалар юклатилди.
