Мамлакатимизда давом этаётган ёшлар ойлиги доирасида ҳамда 30 июнь-Ёшлар куни муносабати билан Миллий гвардия тизимида фаолияти йўлга қўйилган Ўзбекистон ёшлар иттифоқининг ҳарбий қисм ва муассасалардаги бошланғич ташкилот етакчилари форуми бўлиб ўтди.
Форумни биринчи куни – Ўзбекистон Республикаси ёшлар ишлари агентлиги, Ўзбекистон ёшлар иттифоқи Марказий кенгаши мутахассислари ҳамда Миллий гвардия марказий девони масъул шахслари томонидан юртимизда ёшларга оид давлат сиёсатини амалга оширишни жойларда ижроси ва амалга оширилаётган ишлар ҳисоботлари бўйича атрофлича таҳлилий кўриб чиқилди.
Куннинг иккинчи ярмида форум иштирокчилари Ўзбекистон Республикаси Олий мажлисига ташриф буюриб, Олий Мажлис Қонунчилик палатасининг Ёшлар масалалари бўйича комиссияси ҳамда Олий Мажлис Қонунчилик палатаси ҳузуридаги Ёшлар парламенти аъзолари билан "Юртимизда олиб борилаётган ёшларга оид давлат сиёсатини амалга оширишнинг долзарб йўналиш ва принциплари" мавзусида семинар-тренинг ташкил этилди.
Олий мажлис биносига ташриф мобайнида иштирокчилар Ўзбекистон Республикаси Конституциявий комиссияси фаолияти билан яқиндан таништирилиб,"Конституциявий ислоҳотларда ёшларнинг ўрни" мавзусида машғулот ўтказилди.
Форумнинг иккинчи кунида ёшлар пресс клубида олимпиада чемпионлари ва ёшлар агентлиги, ёшлар иттифоқи мутахассислари билан "Очиқ мулоқот" ташкил этилди.
Форумнинг тақдирлаш маросимида йил давомида эришган ютуқлари ҳамда форумда фаол иштироки учун бир неча етакчилар ҳамда"30 июнь Ёшлар куни" ҳамда юртимизда ёшларга оид давлат сиёсатини жорий этилишида жонбозлиги ва Миллий гвардия билан ўзаро самарали ҳамкорликни йўлга қўйган бир қатор вазирлик ва жамоат ташкилоти вакиллари кўкрак нишон ҳамда эсдалик совғалари билан тақдирланди.
Шу билан бир қаторда,форум иштирокчиларининг маданий ҳордиқ олишларини мазмунли ташкил этиш мақсадида Тошкент шаҳрида жойлашган Ғалаба боғига, Муқимий номидаги Ўзбек мусиқий драма ва комедия театрига ҳамда Ўзбеккино усталари томонидан суратга олинган "Ватан остонасида" номли кинофильм премьерасига ташрифлар ташкил этилди.
