ЁШЛАРНИ БИРЛАШТИРГАН ЮГУРИШ МАРАФОНИ
Ёшлар билан ишлашни самарали ташкил этишда маданият, санъат, спорт, ахборот-технологиялари, китоб ўқишга қизиқишни ошириш бўйича 5 та муҳим ташаббус доирасида Миллий гвардия бўлинмалари томонидан ёшларнинг барча қатламларини жалб қилган ҳолда тизимли тадбирлар амалга оширилмоқда. Жумладан, ўқувчи ёшларнинг дам олиш кунларида бўш вақтларини мазмунли ўтказишга қаратилган спорт мусобақалари анъанага айланиб улгурди.
Кеча пойтахтимиздаги Миллий гвардияга бириктирилган 58-сонли умумий ўрта матаб ўқувчилари, 21 ва 30-сонли меҳрибонлик уйи тарбияланувчилари ҳамда Темурбеклар мактаби ўқувчилари иштирокида Юнусобод туманида жойлашган Ботаника боғида 5 километрга югуриш марафони ўтказилди. Мазкур спорт тадбирида умумжамоа ҳисобида 3-ўринни 21-сонли меҳрибонлик уйи тарбияланувчилари, 2-ўринни 58-сонли умумий ўртатаълим мактаби ўқувчилари ва 1-ўринни 30-сонли меҳрибонлик уйи тарбияланувчилари қўлга киритди.
Тадбир якунида Миллий гвардия қўмондони ўринбосари барча иштирокчиларга ҳаёт йўлларида муваффақият тилаб, ғолибларга медаль, диплом ва эсдалик совғаларини тантанали тарзда тақдим этди.
