“Меҳр дафтари” тизими юзасидан амалга оширилган чора-тадбирларга бағишланган йиғилиш ўтказилди
Ўзбекистон Республикаси Вазирлар Маҳкамасининг 2022 йил 17 январдаги "Етим болалар ва ота-она қарамоғидан маҳрум бўлган болаларни ҳар томонлама қўллаб-қувватлашга қаратилган "Меҳр дафтари" тизимини жорий этиш чора-тадбирлари тўғрисида"ги қарори ижроси юзасидан амалга оширилаётган ишлар ва келгусидаги вазифаларга бағишланган видеоселектор шаклидаги йиғилиш бўлиб ўтди.
Танқидий руҳда ўтган мазкур йиғилишда Миллий гвардия қўмондонлиги, Вазирлар Маҳкамасининг Болаларни ҳимоя қилиш масалалари шўбаси мудири Д.Эрматов, Халқ таълими вазирлиги бошқарма бошлиғи Ф.Аҳмедов, Бола ҳуқуқлари бўйича вакил (Болалар омбудсмани) Ш.Қултураев, Молия вазирлиги бўлим бошлиғи Ф.Сулаймонов ҳамда Миллий гвардиянинг ҳудудий бошқармалари масъул ҳодимлари ва бошқа мутасадди ташкилотлар раҳбарлари қатнашди.
Йиғилишда "Меҳр дафтари" тизимини амалиётга татбиқ этишда йўл қўйилган камчиликлар, уларни бартараф этиш ва келгусида олдини олиш чора-тадбирларини белгилаш, тизимнинг етим болалар ва ота-она қарамоғидан маҳрум бўлган болаларни ижтимоий ҳимоя қилишдаги аҳамияти, тизимни қўллаб-қувватлашга қаратилган ҳокимликлар жамғармаларидан мақсадли фойдаланиш ва тарбияланувчиларни давлат томонидан қўллаб-қувватлаш борасида амалга оширилаётган ишлар таҳлил қилиниб, танқидий кўриб чиқилди.
