Миллий гвардия ҳудудий бошқармаларида Наврўз умумхалқ байрами кенг нишонланмоқда
Мамлакатимизда 21 март-Наврўз умумхалқ байрами муносабати билан байрам сайллари ўтказилмоқда. Тадбирни байрамона кайфиятда ва хавфсиз ўтказиш мақсадида Миллий гвардия ҳудудий бошқармалари ҳарбий хизматчи ва ходимлари жамоат тартибини сақлаш ва фуқаролар хавфсизлигини таъминлаш мақсадида бор куч ва ғайратларини кўрсатмоқдалар.
Шунингдек, штаблар ташкил этилиб, барча ҳудудлар кузатиш камералари ва алоқа воситалари орқали назоратга олинмоқда.
Шу билан бир қаторда, ҳарбий қисмларда ҳам ҳарбий хизматчи ва ходимлар ҳамда уларнинг оила аъзолари иштирокида байрам тадбири ташкиллаштирилди.
Тадбирнинг иккинчи қисмида айём муносабати билан қозонларга сумалаклар солиниб, гўзал қизлар ва мунис онажонлар томонидан баҳорий таомлар тайёрланди. Барчага хушкайфият улашиш мақсадида миллий қўшиқ ва ўйинлар, саҳна кўринишлари ҳамда спорт беллашувлари ташкил этилди.
Якунда соҳа равнақига ўз ҳиссасини қўшиб, сафдошларига ўрнак бўлаётган бир гуруҳ ҳарбий хизматчи ва ходимлар фахрий ёрлиқ ҳамда қимматбаҳо эсдалик совғалари билан рағбатлантирилди.