Ўзбекистон Республикаси Президенти томонидан 11.07.2023 йилдаги “Экология ва жамоат тартибини сақлаш соҳаларидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги ЎРҚ-854-сон Қонун имзоланган эди. Жорий йилнинг13 октябрь кунидан мазкур Қонун кучга кирди.
Эслатиб ўтамиз, эндиликда МЖТКнинг 248'1-моддасидаги ўзгартиришларга мувофиқ, Миллий гвардия органлари томонидан экология ва атроф мухитни химоя қилиш билан боғлик маъмурий ҳуқуқбузарликларнии аниқлаш, баённома расмийлаштириш, ишларни кўриб чиқишга ҳамда жарима тариқасидаги маъмурий жазо чоралари қўлланилади.
Ўзбекистон Республикаси Миллий гвардияси Тошкент шаҳар Қўриқлаш бошқармасида “Миллий гвардия тизимида маъмурий ҳуқуқбузарлик ишлари юритишнинг амалий муаммолари ва ечимлари мавзусида” видео конференц алоқа тарзида он-лайн семинар машғулоти ўтказилди.
Тадбирда, Ўзбекистон Республикаси Ҳарбий прокуратураси бўлим прокурори адлия капитани Н.Норалиев, Ўзбекистон Республикаси Давлат экология назорат инспекцияси бошлиғи А.Қурбонов, Ўзбекистон Республикаси ИИВ ЖХД Ҳуқуқбузарлик профилактикаси хизмати Маъмурий амалиёт бўлим бошлиғи подполковник К.Қурбонов, Жиноят ишлари бўйича Олмазор тумани суди судяси Х.Содиқов, Миллий гвардия марказий девон бошқарма бошлиқлари ўз маърузалари билан иштирок этишди. Қўриқлаш бош бошқармаси, Қорақалпоғистон Республикаси, Тошкент шаҳри ва вилоятлар бўйича бошқармалари ҳарбий хизматчилари ва ходимлари студиялардан қатнашишиб, қонунчиликдаги янгиликлар бўйича маълумотларга эга бўлишди.
Он-лайн семинар машғулотида 2023 йил 11 июлдаги “Экология ва жамоат тартибини сақлаш соҳаларидаги қонунчилик такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида” ЎРҚ-854-сон Қонуни билан Ўзбекистон Республикасининг МЖтК га Миллий гвардияси органларига зарур ваколатлар берилишини назарда тутувчи ўзгартишлар ҳақида тушунчалар берилди.