Миллий гвардия ҳарбий хизматчи ва ходимлари ўртасида "Ўзбекистон 2030" стратегияда белгиланган вазифалар ҳамда уларнинг амалий ижросига қаратилган чора-тадбирлар муҳокама қилинди
2023 йилнинг 11 сентябрь куни Ўзбекистон Республикаси Президентининг Фармонига асосан халқимизнинг эркин ва фаровон, қудратли Янги Ўзбекистонни барпо этиш бўйича хоҳиш-иродасини рўёбга чиқариш, ҳар бир фуқарога ўз салоҳиятини ривожлантириш учун барча имкониятларни яратиш, соғлом, билимли ва маънавий баркамол авлодни тарбиялаш, глобал ишлаб чиқаришнинг муҳим бўғинига айланган кучли иқтисодиётни шакллантириш, адолат, қонун устуворлиги, хавфсизлик ва барқарорликни кафолатли таъминлаш мақсадида Янги Ўзбекистон тараққиёт стратегиясини амалга ошириш жараёнида орттирилган тажриба ва жамоатчилик муҳокамаси натижалари асосида ишлаб чиқилган “Ўзбекистон — 2030” стратегияси тасдиқланган эди.
Мазкур Фармон ижросини самарали ташкил қилиш, муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш мақсадида Миллий гвардия Тошкент шаҳар қўриқлаш бошқармаси Маънавият ва маърифат марказида ва ЗУМ платформаси орқали ҳудудий бўлимлар билан муҳокама-муносабат тадбири ўтказилди.
Тадбирда, Ўзбекистон Республикаси Миллий гвардияси қўмондонлиги, Ўзбекистон Республикаси Олий Мажлис Мудофаа ва хавфсизлик масалалари қўмитаси аъзолари, Жамоат хавфсизлиги университети профессор ўқитувчилари ҳамда ҳарбий марказий девон ҳарбий хизматчи ва ходимлари иштирок этди.
Дастлаб Миллий гвардия қўмондони ўринбосари полковник Мамаюсупов Сарвар Дехканович “Ўзбекистон 2030” стратегияси жамиятимиз тараққиётининг муҳим йўналишлари ҳисобланган бешта устувор йўналишларига асосланган юзта мақсаднинг асосий жиҳатларига тўхталиб ўт ди.
Шундан сўнг, Олий Мажлис Қонунчилик палатаси Мудофаа ва хавфсизлик масалалари қўмитаси аъзоси Чориев Таваккал Равшанович ҳамда Жамоат хавфсизлиги университети ижтимоий гуманитар фанлар кафедраси доценти Сатторов Асрор Акромовичлар томонидан “Ўзбекистон 2030” стратегиясининг мазмун моҳияти, мақсад ва вазифалари тўғрисида яна бир бор тизим ҳарбий хизматчи ва ходимларига тўлиқ тушунтирилиб, тадбир муҳокама-муносабат шаклида давом эттирилди.
