Муҳтарам Президентимиз, Қуролли Кучлар Олий Бош қўмондонининг 2018 йил 4 август кунидаги “Ўзбекистон Республикаси Қуролли Кучлари ҳарбий химатчиларининг маънавий-маърифий савиясини ошириш тизимини тубдан такомиллаштириш тўғрисида”ги 3898-сонли Қарорига мувофиқ Ўзбекистон Республикаси Миллий гвардияси тизимида маънавий - маърифий ишлар самарадорлиги ошириб борилмоқда.

Хусусан, 2023 йил 23 август куни  Миллий гвардия тизимида ўтказилган “Энг намунали тарбиявий ва мафкуравий ишлар йўналишидаги хона” кўрик-танловининг республика босқичи ғолибларини тақдирлаш маросими ўтказилди.

Ушбу тадбир Миллий гвардия Тошкент шаҳар Қўриқлаш бошқармаси Маънавият ва маърифат марказида бўлиб  ўтди ва унда Миллий гвардия қўмондони ўринбосари полковник С.Мамаюсупов, Ўзбекистон Республикаси Бандлик ва камбағалликни қисқартириш вазири ўринбосари Турдибоева Раъно Эшовна, Ўзбекистон ёзувчилар уюшмаси раисининг биринчи ўринбосари Эргашев Ботиржон Йўлдошали ўғли, Республика Маънавият ва маърифат маркази ҳарбий ватанпарварлик йўналиши бўлими бошлиғи Зикирова Махфират Собировна,  Ёшлар ишлари агентлиги ва Ўзбекистон ёшлар иттифоқи  Марказий кенгаши ҳамда Тошкент шаҳар хокимлиги мутасадди раҳбарлари, Миллий гвардия таркибий ва ҳудудий бўлинмалар ҳарбий хизматчи ва ходимлари    иштирок этишди.

Тадбир аввалида Миллий гвардия вилоят бошқармалари ўртасида жойларда ўтказилган “Энг намунали тарбиявий ва мафкуравий ишлар йўналишидаги хона” кўрик танлови жараёнлари бўйича   видеоролик ҳавола этилди.

Шундан сўнг, турли номинациялар юзасидан фаол иштирок этган ва юқори натижаларга эришган вилоят номлари эълон қилинди.  

 “Энг намунали  маънавият-маърифат хонаси” номинацияси бўйича 3-ўринни Миллий гвардия Фарғона  вилояти бўйича бошқармаси, 2-ўринни Миллий гвардия Қашқадарё вилояти бўйича бошқармаси ва фахрли 1-ўринни Миллий гвардия Қорақалпоғистон Республикаси бўйича бошқармаси эгаллади. Ғолиблар диплом ва китоблар жамланмаси билан тақдирланди.

 “Энг намунали руҳий енгилаштириш хонаси” номинацияси бўйича 3-ўрин Миллий гвардия Қашқадарё вилояти бўйича бошқармасига, 2-ўрин Миллий гвардия Фарғона вилояти бўйича бошқармаси ҳамда 1-ўрин Миллий гвардия Қорақалпоғистон Республикаси бўйича бошқармасига насиб этди ва жамоалар диплом ва китоблар жамланмаси билан тақдирланди.

“Энг намунали шонли тарих хонаси” номинацияси бўйича 3-ўринга  Миллий гвардия Навоий вилояти бўйича бошқармаси,  2-ўринга Миллий гвардия Қорақалпоғистон Республикаси бўйича бошқармаси, шунингдек, 1-ўринга Миллий гвардия Фарғона бўйича бошқармаси муносиб деб топилди. Уларга диплом ва китоблар жамланмаси тақдим этилди.

Кўрик танловнинг умумий натижасига кўра 3-ўринни Миллий гвардия Қашқадарё вилояти  бўйича бошқармаси, 2-ўринни Миллий гвардия Қорақалпоғистон Республикаси бўйича бошқармаси ва ниҳоят фахрли 1-ўринни Миллий гвардия Фарғона бўйича бошқармаси қўлга киритди. Ғолиб ва совриндорлар диплом ва қимматбаҳо совға  билан тақдирланди.

Тадбир сўнгида, маънавий-маърифий йўналишдаги жараёнларни ташкил этишда яқиндан ҳамкорлик қилиб келаётган давлат ва жамоат ташкилотлари вакилларига “Миллий гвардиянинг ўтмиши ва бугуни” номли китоблар тантанали равишда топширилди.