Миллий гвардия аёл ҳарбий хизматчи ва ходимлари учун ўқув-семинар ташкил этилди.
Давлатимиз раҳбарининг 2022 йил 2 мартдаги 87-сонли қарори ва 2022-2026 - йилларга мўлжалланган мамлакат иқтисодий, сиёсий ва ижтимоий ҳаётининг барча соҳаларида хотин-қизлар фаоллигини ошириш Миллий дастурида белгилаб берилган вазифаларга оид, уларнинг жамиятдаги фаол иштирокини таъминлаш мақсадида "Замонавий жамиятда аёл ва оила"мавзусида ўқув-семинар ўтказилди.
Мазкур семинар Миллий гвардия ва болалар психологияси маркази мутахассислари томонидан олиб борилди. Тадбирда Марказий девон аёл ҳарбий хизматчилари ҳамда Қўриқлаш Бош бошқармаси ходимлари иштирок этди.
Тадбир жараёнида аёллар ҳамда болаларнинг ҳуқуқ ва эркинликларини таъминлаш, оилавий зўравонликнинг олдини олиш, шунингдек, аёлларнинг замонавий жамиятдаги ўрнига оид масалалар муҳокама қилинди.
Шунингдек, семинар давомида йога, рақс терапияси ва арт-терапия йўналишлари бўйича амалий машғулотлар ташкил этилди.
Болалар психологияси марказининг мутахассис психологи томонидан аёлларга “медитация ва манадала терапияси” салбий ҳис-туйғулардан халос бўлишга, ички муаммонинг моҳиятини тушунишга ва ечимларни аниқлашга ёрдам бериши тўғрисидаги тушунчалар берилди.
Шу билан бир қаторда ,оналар ва уларнинг ўсмир болалари билан якка тартибда психологик тренинглар ўтказилди.
