Миллий гвардия Марказий девонида “Коррупция ва фирибгарликка қарши биргаликда курашамиз” мавзусида видеоселектор йиғилиши бўлиб ўтди.
Миллий гвардия Марказий девонида “Коррупция ва фирибгарликка қарши биргаликда курашамиз” мавзусида видеоселектор йиғилиши бўлиб ўтди.
Унда Ўзбекистон Республикаси Миллий гвардия қўмондони ўринбосари полковник C.Д Мамаюсупов, Коррупцияга қарши курашиш агентлиги бош инспектори З.К Қўчқаров, республика Ҳарбий прокуратураси назорат бўлими прокурори адлия капитани Н.Б Норалиев ҳамда Миллий гвардиянинг соҳага тегишли масъул бошқармалари ва ҳудудлардан ҳарбий хизматчи ва ходимлар иштирок этишди. Тадбир давомида коррупцияга қарши курашиш соҳасидаги норматив-ҳуқуқий асослар тўғрисида маърузачилар томонидан атрофлича маълумотлар берилди. Шунингдек, бугун коррупцияга қарши курашиш учун ҳуқуқий маданиятни юксалтириш, муросасиз муносабатни шакллантириш, соҳаларда коррупциянинг олдини олишга доир чора-тадбирларни амалга ошириш, жавобгарлик муқаррарлиги принципини таъминлаш зарурлиги таъкидлаб ўтилди. Семинар кўринишида бўлиб ўтган видеоселекторда коррупцияга қарши энг самарали чоралар, коррупциявий жиноятлар таҳлили, коррупцияга имкон берувчи сабабларни бартараф этиш йўллари ва халқаро тажриба ўрганилди.
