Миллий гвардияда ижро интизоми муҳокамасига бағишланган йиғилиш бўлиб ўтди
Миллий гвардия қўмондони раҳбарлигида “Ijro.gov.uz” электрон тизими орқали келиб тушувчи топшириқларнинг ўз вақтида ва сифатли бажарилишини таъминлаш мақсадида йиғилиш бўлиб ўтди.
Йиғилишда ҳужжат ва топшириқларда Миллий гвардияга юклатилган вазифаларни ўз вақтида ва сифатли бажарилиши, электрон тизим орқали тушадиган топшириқларнинг ижроси таъминланиши ва назорат қилинишини жорий этиш, ижро муддати бузилган тақдирда, масъул ижрочиларга интизомий чоралар қўлланилиши бўйича кўрсатмалар берилди.
Шунингдек, ҳужжатларнинг ижроси тизим орқали мунтазам мониторинг қилиниши ва натижалари жамоатчиликка очиқланиши, давлат органлари ва ташкилотлар ярим йиллик ва йиллик иш режалари ҳамда очиқ маълумотлари расмий веб-сайтларга жойлаштирилиши лозимлиги каби масалалар муҳокама қилинди.
Масъул бошқарма бошлиқлари, ҳудудий бўлинмалар раҳбарларининг ҳисоботлари эшитилди ва тегишлилиги бўйича вазифалар юклатилди.
Йиғилиш якунида масъулларга аниқ вазифалар юклатилди ва уларнинг бажарилиши назоратга олинди.
