МОБИЛЬ ТЕЛЕФОН ЎҒРИЛИГИДА ГУМОНЛАНУВЧИЛАР ҚЎЛГА ОЛИНДИЛАР
Жорий йилнинг 02 май куни олинган хабарга кўра Фарғона вилояти Қўқон шаҳар ИИБ ва Миллий гвардия ходимлари ҳамкорлигида тезкор тадбир ўтказилди.
Хабарда маълум қилинганидек, Қўқон шаҳридаги “Муқимий” истироҳат боғида қиз ўртоғи билан сайр қилиб юрган фуқаро З.З. ни учта бегона йигит олдига чақириб олиб ёнидаги бор пулини чиқариб беришини талаб қилиб, пули йўқлигини айтганидан сўнг унинг қўлида бўлган “Samsung Galaxy A 31” (баҳоси 2.500.000 сўм бўлган) русумли телефон аппаратини очиқдан-очиқ тортиб олиб, ҳодиса жойидан қочиб кетишган.
Тезкор тадбир давомида аризачи фуқаро З.З. ўзига тегишли телефон аппаратига қўнғироқ қилиб, телефон аппаратини ўрнига бошқа телефон аппаратини беришини илтимос қилган ва келишиб олинганидек Қўқон шаҳридаги “Ёшлар боғи” олдида учрашишган вақтида Миллий гвардия ва Қўқон шаҳар ИИБ ходимлари томонидан холислар иштирокида қўлга олинган.
Дастлабки суриштирув мобайнида ушбу уч нафар шахс Қўқон шаҳрида яшовчи 2001 йилда туғилган фуқаро П.Э., 2003 йилда туғилган фуқаролар К.Ш. ва М.И. лар эканлиги аниқланган.
Ҳозирда мазкур ҳолат юзасидан Қўқон шаҳар ИИБ томонидан суриштирув ишлари давом этмоқда.
