МУАММОЛАРНИНГ ИЖОБИЙ ЕЧИМИ
Миллий гвардия қўмондони ўринбосари полковник С.Мамаюсупов ва Қўриқлаш бош бошқармаси бошлиғи ўринбосари полковник З.Бўронов, Қарши шаҳар ҳарбий прокурори адлия подполковниги Ж.Ашуров ва жамоат ташкилотлари вакиллари иштирокида Миллий гвардия Қашқадарё вилояти бўйича бошқармаси ҳарбий хизматчи ва ходимлари ҳам уларнинг оила аъзолари билан сайёр қабул ўтказилди. Қабул давомида 2 нафар харбий хизматчининг муаммолари жойида ҳал этилган бўлса, 4 нафар ходимнинг оила аъзоларини бандлигини таъминлаш ва имтиёзли кредит олиш бўйича мурожаатлари ижобий ҳал этилди. Ижтимоий ҳимояга доир бир қатор масалалар юзасидан тегишли мутасаддиларга топшириқлар берилди.
Шунингдек, Миллий гвардия қўмондонлиги Қарши шаҳрида жойлашган 45-сонли умумтаълим мактабининг ҳарбийлаштирилган синф ўқувчи ёшлари билан учрашиб, очиқ суҳбат ўтказди. Суҳбат давомида ўқувчилар ўзларининг қизиқтирган барча саволларга тўлиқ жавоб олишди. Шу билан бирга, ўқувчи ёшларга келгусида олий таълим муассасаларига ўқишга кириш ҳамда Миллий гвардия тизимида хизмат қилиш билан боғлиқ бўлган зарурий тавсиялар берилди.
