МУТАХАССИС-ПСИХОЛОГЛАРНИНГ БИЛИМ ВА МАЛАКАЛАРИ ОШИРИЛДИ
Миллий гвардия ҳарбий қисм ва муассасаларида мутахассис-психолог лавозимида хизмат ўтаётган ҳарбий хизматчиларни қайта тайёрлаш, уларнинг билим ва малакаларини ошириш мақсадида Ўзбекистон Республикаси Жамоат хавфсизлиги университетининг Касбий тайёргарлик факультетида “Қайта тайёрлаш ва малака ошириш” курслари ташкил этилди.
Мазкур курс жараёнида Миллий гвардия тизимида фаолият олиб бораётган мутахассис-психологлар “ёшлар”, “аёллар” ва “темир” дафтарлар рўйхатига киритилган фуқароларга психологик ёрдам кўрсатишнинг усул ва услублари, унинг ўзига хос жиҳатларини ўрганишди.Ўқиш жараёнида тингловчиларга Жамоат хавфсизлиги университетининг етук профессор ўқитувчилари ҳамда Ички ишлар вазирлигининг мазкур соҳада юқори тажрибага эга бўлган мутахассислари назарий ва амалий билимлар бериб боришди.
Ўқиш давомида психологлар томонидан Тошкент шаҳрида тажриба тариқасида ўрганилаётган 24 та маҳаллаларда фуқаролар билан профилактик тушунтириш ишлари олиб борилиб, уларни қийнаб келаётган муаммолари ўрганилди.
Шу билан бир қаторда, Тошкент шаҳар ИИББ қошидаги Муайян яшаш жойига эга бўлмаган шахсларни реабилитация қилиш маркази ва 23-сонли Меҳрибонлик уйларида амалиёт ўтаб, психологик ёрдамга муҳтож бўлган фуқароларга қандай қилиб ёрдам кўрсатишни, жорий этилган янги тизимнинг мазмун-моҳияти ва уни амалга ошириш йўлларини қунт билан ўрганишди.
Ўқув якунида курсни муваффақиятли битирган мутахассис-психологларга сертификатлар топширилди.
