Наврўз байрами муносабати билан пойтахтимизнинг Олмазор туманида спортнинг К-1 йўналиши бўйича ўқувчи ёшлар ўртасида Туман биринчилиги ўтказилди.
Ҳозирги кунда Миллий гвардия Ҳарбий-техник институти “Жисмоний тарбия ва спорт кафедраси” томонидан Олмазор туманида жойлашган ўндан ортиқ мактабларда спортнинг “Қўл жанги” тури бўйича бепул тўгараклар ташкил қилинган ва мазкур тўгаракларда мунтазам равишда ёшларга Институтнинг малакали спорт усталари томонидан машғулотлар олиб борилмоқда.
Жорий йилнинг 19-20 март кунлари пойтахтимизнинг Олмазор туманида жойлашган 326-мактабда Миллий гвардия Ҳарбий-техник институти ҳамда Ўзбекистон Республикаси Профессионал ва Ҳаваскор К-1 федерацияси билан ҳамкорликда спортнинг К-1 йўналиши бўйича ёшлар ўртасида Олмазор биринчилиги ўтказилди.
Мазкур мусобақада жами 300дан ортиқ ёшлар иштирок этди. Хусусан, Миллий гвардия Ҳарбий-техник институти қошида очилган тўгараклардан 44 нафар спортчи турли ҳил вазнларда иштирок этиб, улардан 36 нафари фахрли ўринни ҳамда 8 нафари фахрли ўринни эгаллашди.
Мусобақа якунида ғолиб бўлган иштирокчиларга ташкилотчилар томонидан диплом ва эсдалик совғалари топширилди.
