ЯНГИ ЎЗБЕКИСТОНДА ЯНГИ БАЙРАМ
Мамлакатимизда 30 июль – “Халқлар дўстлиги куни” деб белгиланди. Шу муносабат билан бугун Ўзбекистон Республикаси Миллий гвардияси ҳамда Республика маънавият ва маърифат маркази ҳамкорлигида “Миллатлараро дўстлик ва ҳамжиҳатлик – халқимиз тинчлиги ва фаровонлигининг муҳим омилидир” мавзусида маънавий-маърифий тадбир бўлиб ўтди.
Ёшлар иттифоқи пресс-клубида бўлиб ўтган мазкур тадбирда ташриф буюрган миллат вакиллари ҳамда расмий меҳмонлар барчани байрам билан самимий муборакбод этишди.
Тадбирнинг бадиий қисмида Жамоат хавфсизлиги университети аёл ҳарбий хизматчилари томонидан намойиш этилган корейс миллий рақси барчага кўтаринки руҳ бахш этди. Миллий гвардия Ашула ва рақс ансамбли раққосалари томонидан уйғур ва тожик миллий рақслари намойиш этилган бўлса, “Темурийлар” гуруҳи томонидан ўзбек ва грузин рақслари йиғилганлар олқишига сазовор бўлди.
Тадбир якунида анжуман меҳмонлари ва фаол иштирокчиларга эсдалик совғалари топширилиб, бу кунни суръатлар билан тарих зарварақларига муҳрлашди.
