Нукус шаҳрида йўловчиларнинг чақирувига биноан етиб борган Миллий гвардия ходимлари томонидан сувда чўкаётган фуқаро қутқариб олинди
Жорий йилнинг 20 октябрь куни соат 16:10 ларда Нукус шаҳар, ҳудудидан оқиб ўтувчи Дўстлик каналида пиёдалар ўтиш учун мўлжалланган кўприкдан ўтаётган фуқаро А.А. сувда чўкаётган қизни кўриб қолиб ушбу ҳудудга яқин бўлган Марказий деҳқон бозорида хизмат ўтаётган Миллий гвардия ходимларига хабар беради.
Миллий гвардия ходимларининг тезкор ҳаракати ва хабар берган фуқаронинг ёрдами билан чўкаётган қиз қутқариб олиниб, унга биринчи тез тиббий ёрдам кўрсатилади.
Шундан сўнг чақирувга асосан етиб келган тез тиббий ёрдам орқали мазкур фуқаро Нукус шаҳридаги Республика шошилинч тиббий марказига ётқизилган ва ҳозирда ҳолати яхши.
Дастлабки ўрганишлар натижасида ушбу фуқаро Нукус шаҳрида яшовчи 18 ёшли Г.Қ. экани маълум бўлган ва ҳозирда Нукус шаҳар ИИБ ходимлари томонидан суриштирув ишлари олиб борилмоқда.
