“Ғофур Ғулом” номли истироҳат боғида театрлаштирилган шоу концерти бўлиб ўтди
Мусиқа болалар ва ёшларни Ватанпарварлик руҳида тарбиялашнинг ғоят таъсирчан ва самарали воситаси сифатида ҳам аҳамиятга эга бўлиб, бугунги кунда аҳоли, айниқса, олис ҳудудларда истиқомат қиладиган фуқароларга маданий дам олиш хизматлари кўрсатиш даражасини ошириш, республиканинг барча ҳудудларида театр, цирк ва бошқа турдаги оммавий-маданий ва концерт-томоша тадбирларини тизимли равишда йўлга қўйиш, маданият ва санъат соҳасида истеъдодли ёш ижодкорларни излаб топиш ва қўллаб-қувватлаш, уларнинг интеллектуал ва ижодий салоҳиятини янада ривожлантириш борасидаги ислоҳотлар изчил давом эттирилмоқда.
Жумладан, бугун пойтахтимизнинг Чилонзор туманида жойлашган “Ғофур Ғулом” номли истироҳат боғида Миллий гвардия Ҳарбий мусиқа академик лицейи томонидан Тошкент шаҳар ёшлари ва пойтахтимиз меҳмонлари, шунингдек Миллий гвардия тизимидаги ҳарбий хизматчи ва ходимларнинг оила аъзолари учун театрлаштирилган шоу концерт дастури намойиш этилди.
Очиқ осмон остида ўтган шоу концертда лицейнинг профессионал ўқувчилари миллий ва европа маданиятига ҳос чолғуларда классик ва замонавий мусиқа, жаз, рок ҳамда поп мусиқа садолари остидаги кўргазмали чиқишлари билан шаҳар ёшлари ҳамда пойтахтимиз меҳмонларига кўтаринки кайфият улашишди.
