Республикамиз бўйлаб ёнғин хавфсизлигига бағишланган профилактик тадбирлар давом этмоқда
Бугунги кунда республикамиз бўйлаб шаҳар ва вилоятлар марказларидаги йирик бозорлар, истироҳат боғлари ва хиёбонларда жамоат тартибини сақлаш, ёнғин ва бошқа фавқулодда вазиятларнинг олдини олиш самарадорлигини ошириш мақсадида, ҳамкорликдаги чора-тадбирлар кучайтирилган.
Хусусан, Фарғона вилоятида Миллий гвардиянинг жавобгарлик ҳудуди бўлган Марказий деҳқон бозори ҳамда буюм бозорларида ФВВ билан ҳамкорликда куз қиш мавсумига тайёргарлик ишлари олиб борилмоқда.
Жавобгарлик ҳудудларида ёнғин хавфсизлиги йўлаклари, захира сув қудуқлари созлиги текширилиб, сотув расталари билан тўсиб қўйилган йўлакларни очиш чоралари кўрилиб, тадбиркорлар билан профилактик тушунтириш ишлари олиб борилмоқда.
Шунингдек, ёнғин содир бўлганда сотувчи ва харидорларни хавфсиз эвакуация қилиш, ёнғинларни ўз вақтида ўчириш ҳамда ёнғинга қарши ҳимоя воситаларининг мавжудлиги мутахассислар томонидан ўрганилиб бозор маъмурияти билан қатор масалалар ечими юзасидан вазифалар белгилаб олинди.
