Ўғриликда гумон қилинган шахслар воқеа жойига қайтиб келганда "Қўриқлаш" бўлими ходимлари томонидан қўлга олинди.
Жорий йилнинг 11 февраль куни соат 13:18 ларда Тошкент шаҳар Қўриқлаш бошқармаси Мониторинг марказига Чилонзор туманида жойлашган "IT SOLUTIONS MMS" МЧЖга қарашли дўкондан "ташвиш" хабари келиб тушган.
Мазкур хабар асосан, ТХГ ходимлари воқеа жойига етиб келган ва номаълум шахслар қўлга олинган. Шундан сўнг, воқеа жойига ҳудудий тезкор-тергов гуруҳи ходимлари чақиртирилиб, қўлга олинган шахслар ўрнатилган тартибда Чилонзор туман ИИО ФМБга топширилган.
Маълум бўлишича, 10 февраль куни дўкондан номаълум шахслар томонидан 15,3 млн сўмлик тилла буюмларини ўғирлаб кетилганлиги юзасидан дўкон сотувчилари ИИБга хабар берган ва қидирув эълон қилинган. Орадан бир кун ўтиб, яъни 11 февраль куни соат 13:18ларда қидирувдаги шахслар яна шу дўконга келган ва сотувчилар "ташвиш" хабари орқали ТХГ ходимларига хабар берган.
Дастлабки суриштирув ишлари чоғида ҳуқуқбузарлар 2001 йилда Сурхондарё вилоятида туғилган Х.С ва 2004 йилда шу вилоятда туғилган Ш. Х эканлиги аниқланган.
Ҳозирда мазкур ҳолат юзасидан Чилонзор тумани ИИО ФМБ ходимлари томонидан суриштирув ишлари олиб борилмоқда.
