Қорақалпоғистон Республикасида дўкон эшигини бузмоқчи бўлган ҳуқуқбузарлар ушланди.
Жорий йилнинг 26 январь куни соат 23:32 да Шуманай тумани "Қўриқлаш" бўлимига туман ҳудудида жойлашган, "Строй Маркет Шоманай" ХК қарашли қурилиш материаллар дўкони ортида бегона шахслар мақсадсиз юрганлиги бўйича қўриқловдаги "Азатбай Камалов" объектининг эгаси К.А.дан хабар келиб тушган.
Мазкур хабарга кўра тезкор ходимлар воқеа жойига 23:34 да етиб борган ва гумонланувчи шахслар дўкон орти эшигини бузиб кирмоқчи бўлган вақтида қўлга олинган
Дастлабки суриштирув ишларида ҳуқуқбузарлар 43 ёшли А.Ж ва 38 ёшли А.С эканлиги аниқланган. Шунингдек, туман Тиббиёт бирлашмаси наркология диспансеридан спиртли ичимлик ичганлиги бўйича № 226 ва 227 сонли маълумотлар олиниб, фуқаролар туман ИИБ навбатчилик қисмига топширилган.
Мазкур ҳолат юзасидан суриштирув ишлари ИИБ ходимлари томонидан олиб борилмоқда.