“Ўрикзор” бозори ҳудудида Миллий гвардия ҳарбий хизматчилари томонидан жиноят содир этганлиги учун қидирувда бўлган шахс қўлга олинди.
Жорий йилнинг 19 июнь куни соат тахминан 11.30 ларда Миллий гвардия ҳарбий хизматчилари ва Ички ишлар органлари ходимлари пойтахтимизнинг Учтепа туманида жойлашган “Ўрикзор” бозорига ташриф буюрганлар орасида ташқи кўриниши жиноят содир этганлиги учун қидирувда бўлган шахс тавсифига мос келадиган фуқарони пайқашган. Шундан сўнг, фуқаро профилактика инспектори хонасига олиб бориб текширилганда, гумон ўз тасдиғини топган.
Текшурув натижасида қўлга олинган шахс жорий йилнинг 3 июндан буён Ўзбекистон Республикаси Жиноят кодексининг 169-моддаси (“Ўғирлик”)да назарда тутилган жиноятни содир этганлиги учун Беруний тумани Ички ишлар органлари томонидан қидирувда бўлган Қорақалпоғистон Республикасида туғилган 24 ёшли фуқаро Д.Х эканлиги маълум бўлди.
